Home பொஸ்ட்-ப்ரெக்னேன்சி பிரசவத்துக்குப் பிறகு மாதவிடாய் சுழற்சி எப்போது வரும்?

பிரசவத்துக்குப் பிறகு மாதவிடாய் சுழற்சி எப்போது வரும்?

0
621
பிரசவத்துக்குப் பிறகு மாதவிடாய் சுழற்சி எப்போது வரும்

Contents | உள்ளடக்கம்

பிரசவத்துக்கு பிறகு மாதவிடாய் சுழற்சி (Postpartum Period) எப்போது வரும் என்று பிரசவித்த பெண்கள் அனைவருக்கும் எதிர்பார்ப்பு இருக்கும். ஒன்பது மாத கர்ப்ப காலத்தில் மாதவிடாய் சுழற்சி தற்காலிகமாக இடைவெளி விட்டு இருக்கும். அதனால் குழந்தை பிறந்த பிறகு வரக்கூடிய மாதவிடாய் மாற்றத்துக்கு இளந்தாய்மார்கள் தயாராக இருக்க வேண்டும். எப்போது மாதவிடாய் வரும், எப்போது நார்மல், எப்போது அப்நார்மல், எப்போது மருத்துவரை சந்திப்பது போன்றவற்றை இந்த கட்டுரையில் தெரிந்துகொள்ள போகிறோம்.

பிரசவம் முடிந்த உடன் வரும் இரத்தப்போக்கு மாதவிடாயா?

சிசேரியன் பிரசவம் ஆக இருந்தாலும், சுகப்பிரசவம் ஆக இருந்தாலும் பிரசவத்துக்கு பிறகு ஆறு முதல் எட்டு வாரங்களுக்கு இரத்தப்போக்கு இருக்கும். ஆனால் இது மாதவிடாய் சுழற்சி இல்லை என்பதை உணர வேண்டும்.

ஆரம்பத்தில் உங்கள் இரத்தப்போக்கு அடர் சிவப்பு நிறத்தில் இருக்கும். பிறகு சில இரத்தக்கட்டிகளை கடக்கலாம். இந்த கட்டிகள் பிளம் பழம் போன்று பெரியதாக இருக்கலாம். நாட்கள் செல்ல செல்ல வெளியேற்றமானது நீராக மாறி இளஞ்சிவப்பு அல்லது பழுப்பு நிறமாக மாறும். சீரான மாதவிடாய் சுழற்சி எப்போது வரும். என்பதை இப்போது பார்க்கலாம்.

பிரசவத்துக்கு பிறகு மாதவிடாய் எல்லோருக்கும் ஒரே மாதிரி வராது. ஒவ்வொருவரது உடலும் தனித்தன்மை வாய்ந்தது. அவர்களது மரபியல், உடல்நலன், உணவுப்பழக்கம், வாழ்வியல் பழக்கம்,சுற்றுச்சூழல், மனநலம் போன்றவற்றை பொறுத்து தீர்மானிக்க முடியும்.

கர்ப்ப காலத்தில் மாதவிடாய் ஏன் வருவதில்லை?

கர்ப்ப காலத்தில் மாதவிடாய் ஏன் வருவதில்லை

ஒவ்வொரு மாதமும் விந்தணுக்கள் கருமுட்டையுடன் இணைந்து கருவுறுதல் நடக்கும். இவை இல்லாதபட்சத்தில் சராசரியாக 28 ஆம் நாளில் சுழற்சி முடிவடைகிறது மற்றும் கருப்பையின் புறணி உதிர்கிறது. இது மாதவிடாய் நிகழ்வு ஆகும். மாதவிடாய் இல்லாத நிலை என்பது விந்தணுக்கள் கருமுட்டையுடன் இணைந்து கருவுறுதல் உண்டாகும் போது கருப்பையின் புறணி தக்க வைத்து கொள்கிறது. இது கர்ப்பகாலம் முழுவதும் நிறுத்தப்படும். அதனால் தான் கர்ப்ப காலத்தில் இரத்தப்போக்கு இல்லாத காலமாக இருக்கும்.

கர்ப்ப காலத்தில் மாதவிடாய் வராது ஆனால் 4 பெண்களில் ஒருவருக்கு இலேசான இரத்தப்போக்கு ஏற்படும். இது கர்ப்பத்தை பாதிக்காமல் ஆரோக்கியமாக வைத்திருக்கும். இது பெரும்பாலும் கர்ப்பத்தின் முதல் 12 வாரங்களில் கருவுற்ற முட்டையை கருப்பையில் வைக்கும் போது இந்த இரத்தபோக்கை ஏற்படுத்தகூடும். இது கரு உள்வைப்பு இரத்தப்போக்கு என்று அழைக்கப்படுகிறது. சில நாட்கள் மட்டுமே இவை இருக்கும். சிலர் இதை அறியமாட்டார்கள்.

கருச்சிதைவு உண்டாக்கும் அறிகுறியாக சிலருக்கு பிறப்புறுப்பிலிருந்து அதிகப்படியான இரத்தப்போக்கு வந்தால் தாமதிக்காமல் மருத்துவரை அணுக வேண்டும்.

பிரசவத்துக்கு பிறகு சீரான மாதவிடாய் ஏன் விரைவாக வருவதில்லை?

பொதுவாக தாய்ப்பால் கொடுக்கும் பெண்களுக்கு உடலில் ஹார்மோன்கள் காரணமாக மாதவிடாய் விரைவாக வராது. தாய்ப்பாலை உற்பத்தி செய்ய தேவையான புரோலாக்டின் என்னும் ஹார்மோன் இனப்பெருக்க ஹார்மோன்களை அடக்கும். இதனால் கருவுறுதல் அல்லது கருவுறுதலுக்கு முட்டையை வெளியிடுவதில்லை. இந்த செயல்முறை இல்லாமல் அடுத்த மாதவிடாய் உண்டாவதில்லை.

மேலும் இதை பற்றி தெரிந்து கொள்ள: பிரசவத்திற்கு பிறகு முதுகு வலி உண்டாக காரணம் என்ன?

பிரசவத்திற்கு பிறகு முதல் மாதவிடாய் எப்போது வரும்?

ஆய்வு ஒன்றின்படி தாய்ப்பாலூட்டாத பெற்றோரில் மூன்றில் இரண்டு பங்கு பெற்றோர்கள் பிரசவித்த 12 வாரங்களுக்குள் கர்ப்பத்துக்கு பிறகு முதல் மாதவிடாய் பெறுகிறார்கள். தாய்ப்பாலூட்டும் பெற்றோரில ஐந்தில் ஒரு பங்குக்கு மட்டுமே குழந்தை பிறந்த ஆறு மாதங்களுக்குள் மாதவிடாய் வரும்.

குழந்தைப்பேறுக்கு பிறகு முதல் மாதவிடாய் எப்போது வரும்

பெண் கருவுற்ற பிறகு பிரசவக்காலம் வரை மாதவிடாய் அசெளகரியத்தை எதிர்கொள்ள மாட்டார்கள். அதே போல் பிரசவத்துக்கு பிறகும் மாதவிடாய் வருவதை தடுப்பதில் தாய்ப்பால் முக்கிய பங்கு வகிக்கிறது. ஏனெனில் தாய்ப்பால் உற்பத்திக்கு காரணமான புரோலாக்டின் என்ற ஹார்மோன் அண்டவிடுப்பை தடுக்கிறது. சிலருக்கு ஒரு வருடம் வரை கூட மாதவிடாய் வராது. ஏனெனில் குழந்தைக்கு தாய்ப்பால் அடிக்கடி கொடுக்கும் போது இந்த புரோலாக்டின் ஹார்மோன் அதிகம் சுரந்து மாதவிடாயை வராமல் செய்யும்.

தாய்ப்பால் கொடுக்காத பெண்களுக்கு பிரசவத்துக்கு பிறகு நான்கு முதல் எட்டு வாரங்களுக்குப் பிறகு மாதவிடாய் திரும்பும். தாய்ப்பால் மற்றும் ஃபார்முலா பால் கொடுக்கும் இளந்தாய்மார்களுக்கு சில வாரங்கள் முதல் சில மாதங்கள் வரையில் மாதவிடாய் உண்டாகும். தாய்ப்பால் மட்டுமே கொடுக்கும் பெண்களுக்கு மாதவிடாய் மீண்டும் தொடங்குவதற்கு ஆறு மாதங்கள் முதல் 12 மாதங்கள் வரை ஆகலாம்.

இன்னும் சில பெண்கள் குழந்தைக்கு இரண்டு வயதாகும் வரை தாய்ப்பால் கொடுப்பார்கள். அதுவரையிலும் கூட மாதவிடாய் எதிர்கொள்வதில்லை. சில பெண்கள் தாய்ப்பால் கொடுத்தாலும், இல்லையென்றாலும் பிரசவித்த அடுத்த மாதங்களில் மாதவிடாய் வழக்கமாக வரக்கூடும்.

பிரசவத்துக்கு பிறகு வரக்கூடிய இரத்தப்போக்கு மாதவிடாய் கணக்கில் வருமா? இரத்தப்போக்கு எப்படி இருக்கும்?

பிறப்புக்கு பிறகு முதல் சில நாட்களில் இருந்தே இரத்தப்போக்கு வரக்கூடும். கருப்பை கர்ப்பத்துக்கு முன் இருந்த அளவுகளில் மீண்டும் சுருங்குவதால், கருப்பை புறணி வெளியேறுவது இயல்பானது. பிரசவம் முடிந்த உடன் சுகப்பிரசவமாக இருந்தாலும் சிசேரியனாக இருந்தாலும் இரத்தப்போக்கு கடுமையானதாக இருக்கும். இதன் நிறத்திலும் மாற்றம் இருக்கலாம். முதல் இரண்டு நாட்களுக்கு பிரகாசமான சிவப்பு நிறமாக இருக்கலாம். ஆனால் சில வாரங்களில் படிப்படியாக பழுப்பு நிறமாக மாறும். சிலருக்கு காலையில் எழுந்தவுடன் தாய்ப்பால் கொடுத்த பிறகு அல்லது உடற்பயிற்சிக்கு பிறகு இரத்தப்போக்கு அதிகமாக இருக்கலாம்.

பிரசவத்துக்கு பின் உண்டாகும் தீவிரமான ரத்தக்கசிவு மோசமான நிலையாகும். இது தீவிர கவலைக்குரிய நிலை. உடனடி சிகிச்சை தேவை என்னும் நிலை.

பிரசவத்துக்கு பிறகு வரும் மாதவிடாய் சுழற்சியில் மாற்றம் இருக்குமா?

உங்கள் காலம் கொஞ்சம், நிறைய அல்லது மாறாமல் இருக்கலாம். இது ஒவ்வொருவரது உடல் நிலையை பொறுத்தது. அதை பொறுத்து நீளமான அல்லது கனமான ஓட்டத்தை கொண்டிருக்கலாம். சுழற்சியின் நாட்கள் கூட அதிகமாக இருக்கலாம். தசைப்பிடிப்பு அதிகமாகவோ அல்லது குறையவோ கூட வாய்ப்புள்ளது. கர்ப்பகாலத்தில் உங்கள் கருப்பை வளர்வதே இதற்கு காரணமாக இருக்கலாம். மாதவிடாய் வரும்போது உங்களுக்கு கீழ் கண்ட அறிகுறிகள் உண்டாகலாம்.

பிரசவத்துக்கு பிறகு வரும் மாதவிடாய் சுழற்சி
  • உதிரபோக்கு சிறிய கட்டிகளாக வெளிப்படுவது
  • வழக்கத்தை விட கனமான அல்லது இலேசான ஓட்டம்
  • பலவீனமான பிடிப்புகள்
  • ஒழுங்கற்ற மாதவிடாய் நீளம்
  • கர்ப்பத்துக்கு முந்தைய நிலையில் இருக்கும் மாதவிடாய் சுழற்சி பிரசவத்துக்கு பிறகு எப்படி உள்ளது என்பதை ஒவ்வொரு பெண்ணும் கண்காணிக்க வேண்டும். இந்த மாதவிடாய் மாற்றங்களை கண்காணிப்பது தீவிர பாதிப்பில்லாமல் பாதுகாக்க உதவும். அப்போது தான் மருத்துவரை சந்திக்கும் அவசியம் இருந்தால் இந்த அறிகுறிகள் குறித்த வரலாறை ஆலோசிக்க உதவியாக இருக்கும்.

இந்த மாதவிலக்கு ஒரே மாதிரியாக வராது. ஆரம்ப கட்டத்தில் 24 நாட்களுக்கு ஒருமுறை மாதவிலக்கு வரலாம். பிறகு 28 நாட்களுக்கு ஒரு முறை வரலாம். இப்படி அடுத்தடுத்த மாதங்களில் மாதவிடாய் சுழற்சி நிலைத்தன்மை இல்லாமல் மாறி மாறி வந்து பிறகு அதுவே சரியான சுழற்சியை உண்டாக்கும். இது இயல்பானது.

மேலும் இதை பற்றி தெரிந்து கொள்ள: சிசேரியனுக்கு பிறகு உடற்பயிற்சிகள் என்ன செய்யலாம்?

மாதவிடாய் சுழற்சி வந்தால் அது தாய்ப்பாலை பாதிக்குமா?

பிரசவத்துக்கு பிறகு மாதவிடாய் குறித்து அறியும் போது அது தாய்ப்பாலை பாதிக்குமா என்பதையும் அறிவது நல்லது. ஆனால் தாய்ப்பால் கொடுக்கும் போது மாதவிடாய் வராமல் இருந்தால் அது லாக்டேஷனல் அமினோரியா எனப்படும். இது எவ்வளவு காலம் நீடிக்கும் என்பது உங்கள் தாய்ப்பால் கொடுக்கும் நேரம் மற்றும் உணவுகள் பொருத்து உடல் தீர்மானிக்கும்.

மாதவிடாய் சுழற்சி வந்தால் அது தாய்ப்பாலை பாதிக்குமா

அண்டவிடுப்பு மற்றும் மாதவிடாய் என்பது உங்கள் ஹார்மோன் மாற்றங்கள் ஏற்படுவதை குறிக்கிறது. இது தாய்ப்பால் சுரப்பு மற்றும் சுவை இரண்டையும் பாதிக்கலாம். குழந்தை தாய்ப்பாலை விருப்பமில்லாமல் குடித்தால் அல்லது வித்தியாசமான சுவையுடன் குடித்தால் அது சுவையின் மாற்றத்தை குறிக்கலாம். ஆனால் தாய்ப்பால் சுரப்பை குறைக்காது. நீங்கள் ஊட்டச்சத்து மிக்க உணவை எடுக்கும் போது உடல் ஆரோக்கியத்தை கடைப்பிடிக்கும் போது மாதவிடாய் தாய்ப்பாலை பாதிக்காது. அதனால் தாய்ப்பால் காலத்தில் மாதவிடாய் வருவதை நினைத்து கவலை அடைய வேண்டாம்.

பிரசவத்திற்கு பின் மாதவிடாய் வருவதற்கு முன்பே மீண்டும் கருத்தரிக்க முடியுமா?

சில பெண்கள் தங்கள் மாதவிடாய் இல்லாத நிலையில் கர்ப்பம் ஏற்படுவதற்கான ஆபத்து இல்லை என்று நினைக்கிறார்கள். ஆனால் பிரசவத்துக்கு பிறகு சில பெண்கள் மாதவிடாய்க்கு முன்பே கருவுறுதலை அடைகிறார்கள். அண்டவிடுப்பின் பொது நீங்கள் கருவுறுகிறீர்கள். அதனால் பிந்தைய மாதவிடாய் இல்லையென்றாலும் கருவுற வாய்ப்புண்டு என்பதை மனதில் கொள்ளுங்கள்.

தாய்ப்பாலை கருத்தடை முறையாக சில பெண்கள் நம்பியிருக்கிறார்கள். ஆனால் இவை சரியானது அல்ல. 6 மாதங்களுக்கு மேலான குழந்தைகளுக்கு திட உணவுகளுடன் தாய்ப்பால் கொடுக்கும் போது கருவுற வாய்ப்பு உண்டு. ஏனெனில் குறைவாக தாய்ப்பால் கொடுக்கும் ஹார்மோன்களின் அளவு அண்டவிடுப்பை அடக்கும் அளவுக்கு அதிகமாக இருக்காது.

மாதவிடாய் இயல்பு நிலைக்கு திரும்பும் போது நீங்கள் தாய்ப்பாலை நிறுத்த வேண்டுமா?

இயல்பு நிலைக்கு திரும்பும் மாதவிடாய் என்பது கர்ப்பத்துக்கு முந்தைய நிலை ஆகும். பெரும்பாலான பெண்கள் குழந்தையை பெற்ற பிறகு சாதாரண மாதவிடாய்களை மீண்டும் பெற தொடங்குவார்கள். உங்கள் மாதவிடாய் இயல்பானது என்றால், ஒவ்வொரு 21 முதல் 35 நாட்களுக்கு ஏற்படும். இரத்தப்போக்கு இரண்டு முதல் ஏழு நாட்கள் வரை நீடிக்கும். அதனால் மாதவிடாய் இயல்பு நிலைக்கு திரும்பினாலும் தாய்ப்பாலை நிறுத்த வேண்டாம். ஆனால் கருத்தடை விஷயங்களில் கவனமாக இருக்க வேண்டும்.

பிறப்பு கட்டுப்பாடு

கருத்தடைக்காக கருத்தடை மாத்திரைகளை பயன்படுத்துவதன் மூலம் குறுகிய இலகுவான அல்லது வலிமிகுந்த காலங்களை எதிர்கொள்ளலாம். பிரசவத்துக்கு பிறகு நீங்கள் மாத்திரைகளை எடுக்கும் போது, இலகுவான காலங்கள் மீண்டும் தொடங்கலாம். இல்லையெனில் சாதாரண அல்லது கனமான மாதவிடாய் எதிர்கொள்ளவும் வாய்ப்புண்டு.

எண்டோமெட்ரியோசிஸ்

உங்களுக்கு எண்டோமெட்ரியோசிஸ் அல்லது வலிமிகுந்த வரலாறு கர்ப்பத்துக்கு முன்பு இருந்தால் குழந்தை பிறந்த பிறகு மாதவிடாய் எளிதாக இருக்கலாம். இந்த மாற்றம் பொதுவாக தற்காலிகமானது. கர்ப்பத்தில் இருந்து புரோஜெஸ்ட்ரான் அளவு அதிகரித்தால், எண்டோமெட்ரியல் உள்வைப்புகள் சிறியதாகிவிடும். இதனால் வலி குறைவாக இருக்கும். அதே நேரம் இயல்பான மாதவிடாய் வரும் போது வலி நிறைந்த காலங்கள் மீண்டும் தொடங்கும்.

மேலும் இதை பற்றி தெரிந்து கொள்ள: பிசிஓஎஸ் பற்றி நீங்கள் தெரிந்து கொள்ள வேண்டிய விஷயங்கள்!

பிரசவத்துக்கு பிறகு மாதவிடாய் அறிகுறி மோசமானால் எப்போது மருத்துவரை அணுக வேண்டும்?

கர்ப்பத்துக்கு முன்பு மாதவிடாய் சுழற்சியை சீராக கொண்டிருந்தவர்களும் கூட பிரசவத்துக்கு பிறகு ஒழுங்கற்ற மாதவிடாய் பிரச்சனையை எதிர்கொள்ளும் வாய்ப்புகள் உண்டு. இரத்த சோகை, தைராய்டு செயலிழப்பு போன்றவை கூட இதற்கு காரணமாக இருக்கலாம்.

பிரசவத்துக்கு பிறகு ஒழுங்கற்ற மாதவிடாய் அறிகுறிகள்:

  1. ஏழு நாட்களுக்கும் மேல் நீடிக்கும் கனமான இரத்தப்போக்கு
  2. அதிகமான இரத்தக்கட்டிகளை கொண்டிருக்கும் மாதவிடாய்
  3. மாதவிடாய் ஒவ்வொரு மாதமும் வராமல் இருப்பது அல்லது மாதத்தில் இரண்டு நாட்கள் வருவது
  4. மாதவிடாய் நாட்கள் முடிந்த பிறகு இடைப்பட்ட காலத்தில் எப்போதேனும் சிறிது இரத்தகசிவு
  5. ஃபைப்ராய்டு அல்லது பாலிப்ஸ் பிரச்சனை
  6. மாதவிடாய் நேரத்தில் காய்ச்சல்
  7. ஒரு மணி நேரத்துக்கு ஒரு முறை நாப்கின் மாற்றும் நிலை
  8. சுவாசிப்பதில் சிக்கல்
  9. கடுமையான தலைவலி
  10. இரத்தப்போக்கு தொடங்கும் போது திடீர் மற்றும் கடுமையான வலி போன்ற அறிகுறிகள் மருத்துவ கவனிப்பு தேவை என்பதை உணர்த்தும். இந்த அறிகுறிகள் தென்பட்டால் மருத்துவரை அணுகுங்கள். அதே போன்று தாய்ப்பால் கொடுப்பதை நிறுத்திய பிறகு மூன்று மாதங்கள் வரையிலும் மாதவிடாய் வரவில்லையெனிலும் மருத்துவரை அணுக வேண்டும்.

அப்போது கர்ப்பத்துக்கு முந்தைய காலகட்டங்களில் இருக்கும் மாதவிடாய் சுழற்சியிலும் தற்போதைய மாதவிடாய் காலத்திலும் உள்ள அறிகுறிகள் குறித்து மருத்துவரிடம் தெளிவாக விளக்கம் வேண்டும்.

Follow @ Google News : கூகுள் செய்திகள் பக்கத்தில் சென்னை மகளிர் மருத்துவமனை வலைப்பதிவுகள்!

பிரசவம் என்பது மறுபிறவி என்று சொல்வதுண்டு. பிரசவித்த பிறகு உடல் மீண்டும் இயல்பு நிலைக்கு திரும்ப சில வாரங்கள் ஆகும். மாதவிடாய் காலங்கள் இயல்பாக திரும்புவதற்கு இன்னும் சில மாதங்கள் ஆகலாம். ஆனால் மாதவிடாய் சுழற்சி சீராக வர வேண்டும். அதில் ஏதேனும் மாற்றங்கள் இருந்தால் தாமதிக்காமல் மருத்துவரை அணுகுவது நல்லது.

5/5 - (1 vote)

NO COMMENTS

LEAVE A REPLY

Please enter your comment!
Please enter your name here

Translate »
error: Content is protected !!