பெண் கருவுறாமைக்கான காரணங்கள் மற்றும் சிகிச்சைகள்!

761
Female Infertility

Contents | உள்ளடக்கம்

பெண் கருவுறாமை (Female Infertility) என்பது பொதுவான நிலை. இது அரிதாக இருந்த நிலை மாறி தற்போது அதிகரித்து வருகிறது. இதற்கான காரணங்கள் என்று தனித்து ஒன்றை மட்டும் கூற முடியாது. சரியான சிகிச்சையும் முறையான கவனிப்பும் இருந்தால் செயற்கை முறை கருத்தரிப்பு இல்லாமல் இயற்கை முறையில் கருத்தரிக்க செய்யலாம். பெண் கருவுறாமை என்பது கர்ப்பமாக இருக்க இயலாத நிலை அல்லது கர்ப்பம் தரிப்பதில் சிக்கல் என்பவற்றை உணர்த்தலாம்.

இதற்கான அறிகுறி என்றால் முக்கியமாக கவனிக்க வேண்டியது கர்ப்பம் இல்லாமல் 12 மாதங்களுக்கு ஒரு பெண் கர்ப்பமாக இருக்க முயற்சித்த பிறகும் அதாவது பாதுகாப்பற்ற முறையில் உடலுறவு கொண்ட பிறகும் கூட கருத்தரிப்பதில் சிக்கல் இருந்தால் கருத்தரிக்க முடியாமல் இருந்தால் அது கருவுறாமை என்று சொல்லலலாம்.

கருவுறாமைக்கு பல சிகிச்சைகள் உண்டு. காரணத்தை கண்டறிந்து சிகிச்சை முறையில் சரி செய்யலாம். ஹார்மோன் பிரச்சனைகளை சரி செய்வதற்கான மருந்துகள், உடல் பிரச்சனைக்கான அறுவை சிகிச்சை மற்றும் சோதனை கருத்தரித்தல் போன்றவை உண்டு. எனினும் ஆரம்ப கட்டத்தில் கருவுறாமைக்கு சிகிச்சை செய்தால் சிகிச்சை விரைவில் பலன் கொடுக்கும்.

பெண் மலட்டுத்தன்மை (Female Infertility) என்றால் என்ன?

what is female Infertility

கருவுறாமை என்பது நோயாக கூட சொல்லலாம். இந்நிலையில் கர்ப்பமாகி ஒரு குழந்தையை பெற்றெடுக்கும் திறன் பலவீனமடைகிறது அல்லது ஏதோவொரு வகையில் அதன் திறன் குறைக்கப்படுகிறது. பெரும்பாலும் குழந்தைக்கு முயற்சிக்கும் தம்பதியர் ஒரு வருடம் கழித்த பிறகு இதை உணர்கிறார்கள். வெகு சிலர் விரைவில் கண்டறிந்துகொள்ளலாம்.

கருவுறாமைக்கான காரணங்களில் மூன்றில் ஒரு பங்கு ஆண்கள் பிரச்சனையாக இருக்கலாம். மூன்றில் ஒரு பங்கு பெண் மலட்டுத்தன்மை இருக்கலாம். மூன்றில் ஒரு பங்கு கூட்டு அல்லது அறியப்படாத காரணங்களாலும் ஏற்படுகிறது. கருவுறாமைக்கான காரணம் பெண்ணிடம் கண்டறியப்பட்டால் அது பெண் கருவுறாமை (Female Infertility) என்று அழைக்கப்படுகிறது.

பெண்களில் குறைந்தது 10% பேர் ஒருவித மலட்டுத்தன்மையை எதிர்கொள்கின்றனர். பெரும்பாலும் பெண்கள் வயதாகும் போது மலட்டுத்தன்மை ஏற்படுவதற்கான வாய்ப்புகள் அதிகரிக்கின்றன.

பெண் கருவுறாமைக்கு என்ன காரணம்?

கருவுறாமைக்கு பல காரணங்கள் உள்ளன. எனினும் இதுதான் காரணம் என்று சொல்வது கடினமாக இருக்கலாம். சில தம்பதிகளுக்கு சொல்லமுடியாத கருவுறாமை அல்லது பல்வேறு கருவுறாமை (ஆண் அல்லது பெண், ஆண் பெண் இணைந்த ) இருக்கும். பெண் காரணி கருவுறாமைக்கான சில சாத்தியமான காரணங்கள் என்று சொல்லப்படும் காரணங்கள் என்ன என்பதை பார்க்கலாம்.

female infertility reasons

ஒழுங்கற்ற மாதவிடாய் கொண்டிருப்பது

மாதவிடாய் ஒழுங்கற்ற காலங்களில் இருப்பது கூட கருவுறாமைக்கான முக்கிய காரணமாக இருக்கலாம். மாதவிடாய் முன்கூட்டி வருவது தாமதமாக வருவது கூட காரணமாகலாம்.

கருப்பையில் பிரச்சனைகள் இருக்கலாம்

இதில் பாலிப்கள், ஃபைப்ராய்டுகள், செப்டம் அல்லது கருப்பையின் குழிக்குள் ஒட்டுதல்கள் ஆகியவை அடங்கும். பாலிப்கள் மற்றும் நார்த்திசுக்கட்டிகள் எந்த நேரத்திலும் உருவாகலாம். பிற அசாதாரணங்கள் கொண்டு பிறக்கும் போதே இருக்கலாம்.
விரிவாக்கம் மற்றும் க்யூரேட்டேஜ் போன்ற அறுவை சிகிச்சைக்கு பிறகு ஒட்டுதல்கள் உருவாகலாம்.

ஃபலோபியன் குழாய்களில் உள்ள சிக்கல்கள்

குழாய் காரணி மலட்டுத்தன்மைக்கு மிகவும் பொதுவான் காரணம் இடுப்பு அழற்சி நோய், பொதுவாக கிளமிடியா மற்றும் கோனோரியாவால் ஏற்படுகிறது.

அண்டவிடுப்பின் சிக்கல்கள்

ஒரு பெண் தொடர்ந்து அண்டவிடுப்பின் (முட்டையை வெளியிட ) பல காரணங்கள் உள்ளன. ஹார்மோன் சமநிலையின்மை, கடந்த கால உணவு உண்ணும் கோளாறு, போதைப்பொருள் பயன்பாடு, துஷ்பிரயோகம், தைராய்டு நிலைகள், கடுமையான மன அழுத்தம் மற்றும் பிட்யூட்டரி கட்டிகள் அனைத்தும் அண்டவிடுப்பை பாதிக்கும்

கருமுட்டை எண் மற்றும் தரத்தில் உள்ள சிக்கல்கள்

பெண்கள் பிறக்கும் போதே கருமுட்டைகளுடன் பிறக்கிறார்கள். மேலும் இது மாதவிடாய் நிறுத்தத்துக்கு முன்பே தீர்ந்துவிடும். கூடுதலாக சில முட்டைகளில் தவறான எண்ணிக்கியில் குரோமோசோம்கள் இருக்கலாம்.

மற்றும் கருவுறவோ அல்லது ஆரோக்கியமான கருவாக வளரவோ முடியாது. இந்த குரோமோசோம்களில் சிக்கல்களில் அனைத்துமுட்டைகளையும் பாதிக்கலாம். இது வயதான பெண்களில் மிகவும் பொதுவானதாகி விடுகின்றன.

இதர காரணங்கள்

நீரிழிவு நோய் கொண்டுள்ள பெண்கள் சிலருக்கும் கருவுறாமை பிரச்சனை ஏற்படுகிறது. தைராய்டு சம்பந்தப்பட்ட பிரச்சனைகள் உடலிலிருந்தாலும் கருவுறாமை சிக்கல் உண்டாகும். இதை நிவர்த்தி செய்வது கடினமாக இருக்கலாம். அதிக உடல் எடை அல்லது மிக குறைந்த உடல் எடை என்று இரண்டு வகைகளும் கருவுறாமைக்கான காரணங்கள் ஆகும்.

obesity and female infertility

கருவுறாமை ஏற்படுதலுக்கான வாய்ப்பை கிட்டத்தட்ட 12% இந்த எடை பிரச்சனை சாத்தியப்படுத்தி விடுகிறது.
பெண்கள் மன அழுத்தம் கொண்டிருக்கும் போதும் அதிக மனச்சோர்வு கொண்டிருக்கும் போதும் சுரப்பிகள் சீரற்ற நிலையை அடைகிறது. இதுவும் கருவுறாமை பிரச்சனைக்கு வாய்ப்பை உண்டு செய்கிறது.

வீரியம் நிறைந்த மாத்திரைகள் குறிப்பாக உடலில் தீர்க்க முடியாத நோய் இருப்பதால் எடுத்துகொள்ளும் போது கருவுறாமை சிக்கலை எதிர்கொள்ளலாம்.

பெண் மலட்டுத்தன்மைக்கு காரணம் வயதாக இருக்கலாம்

ஒரு பெண்ணுக்கு வயதாகும் போது இயல்பாகவே கருத்தரிக்கும் வாய்ப்பு குறைகிறது. பெண் கருவுறாமைக்கு வயது மிகவும் பொதுவான காரணியாக வருகிறது. ஏனெனில் பல தம்பதியர் தங்கள் 30 அல்லது 40 வயது வரை குழந்தை பெற காத்திருக்கிறார்கள். 35 வயதுக்கு மேற்பட்ட பெண்களுக்கு கருவுறுதல் பிரச்சனைகள் ஏற்படுவதற்கான அதிக ஆபத்து உள்ளது.

age and female infertility

ஏனெனில் இவர்களுக்கு வயதாக வயதாக மொத்த கருமுட்டைகளின் எண்ணிக்கை குறைவாக இருக்கும். அதிக முட்டைகளில் அசாதாரண எண்ணிக்கையிலான குரோமோசோம்கள் உள்ளன. இவை தவிர பிற சுகாதார நிலைமைகளின் ஆபத்தும் இருக்கலாம்.

மருத்துவரை சந்திப்பதற்கு முன் இதையும் கவனியுங்கள்

பெண் கருவுறாமை பிரச்சனை (Female Infertility) என்பதை உணர்ந்து மருத்துவரை அணுகும் போது சில விஷயங்கள் குறித்து மருத்துவரை ஆலோசிக்க வேண்டும். மாதவிடாய் காலங்கள், கடந்த காலத்தில் ஏதேனும் கர்ப்பம் இருந்தால், கருச்சிதைவுகள், இடுப்பு வலி, அசாதாரண யோனி இரத்தப்போக்கு அல்லது வெளியேற்றம் பற்றி இருந்தால் அனைத்தையும் மருத்துவரிடம் சொல்லுங்கள்.

குறிப்பாக கடந்த கால இடுப்பு நோய்த்தொற்றுகள் அல்லது பாலியல் ரீதியாக பரவும் நோய்த்தொற்றுகள் பற்றி மருத்துவரிடம் கேட்கலாம். மேஎலும் கர்ப்பம் அல்லது கருச்சிதைவு, மாதவிடாய் சுழற்சி சீரானதா அல்லது வலி எப்படி உள்ளது.

அதிக இரத்தப்போக்கு அல்லது அசாதாரண வெளியேற்றம் இடுப்பு வலி, ஏதேனும் அறுவை சிகிச்சை போன்ற அனைத்தையும் நீங்கள் மருத்துவரிடம் சொல்ல வேண்டும். இது பற்றி விவரங்கள் அடங்கிய கையேட்டையும் மருத்துவரிடம் காண்பிக்க வேண்டும்.

பெண் கருவுறாமைக்கு ஆபத்தில் இருக்கும் பெண்கள்

பெண்களுக்கு கருவுறாமைக்கு காரணம் என்பதை தாண்டி இத்தகைய ஆபத்தை எதிர்கொள்ளும் பெண்கள் யார் என்பதும் அறிவது அவசியம்.

பொதுசுகாதார நிலைமைகள், மரபணு ( மரபு வழி) பண்புகள்,வாழ்க்கை முறை தேர்வுகள் மற்றும் வயது போன்றவை பெண்களின் கருவுறாமைக்கு காரணமாகின்றன. குறிப்பிட்ட காரணிகளாக சொல்லப்படுவது என்ன என்பதை பார்க்கலாம்.

  • வயது
  • அண்டவிடுப்பை தடுக்கும் ஹார்மோன் பிரச்சனை
  • அசாதாரண மாதவிடாய் சுழற்சி
  • உடல் பருமன்
  • எடை குறைவாக இருப்பது
  • தீவிர உடற்பயிற்சியின் மூல குறைந்த உடல் கொழுப்பு உள்ளடக்கம்
  • எண்டோமெட்ரியோசிஸ்
  • கட்டமைப்பு சிக்கல்கள் (கருப்பை குழாய்கள், கருப்பையில் சிக்கல்கள்)
  • கருப்பை நார்த்திசுக்கட்டிகள்
  • நீர்க்கட்டிகள்
  • ஆட்டோ இம்யூன் கோளாறுகள் (லூபஸ், முடக்குவாதம், ஹாஷிமோட்டோ நோய், தைராய்டு சுரப்பி நிலைமைகள்)
  • பாலியல் ரீதியாக பரவும் நோய்த்தொற்றுகள்
  • பாலிசிஸ்டிக் ஓவரி சிண்ட்ரோம் (பிசிஓஎஸ்)
  • முதன்மை கருப்பை பற்றாக்குறை
  • அதிகப்படியாக மது அருந்துதல், புகைப்பிடித்தல்
  • டிஇஎஸ் சிண்ட்ரோம் அதாவது முன்கூட்டிய பிறப்பு அல்லது கருச்சிதைவு போன்ற கர்ப்ப காலத்தில் ஏற்படும் சிக்கல்களை தடுக்க பெண்களுக்கு வழங்கப்படும் மருந்து.
  • முதல் கரு எக்டோபிக் கர்ப்பம் இருப்பது போன்ற காரணங்களை கொண்டுள்ள பெண்களுக்கு கருவுறாமை ஆபத்து அதிகமாக இருக்கும்.

பெண்கள் கருவுறாமை எதிர்கொள்ளும் பொது செய்யகூடிய மருத்துவ பரிசோதனைகள்

female infertility treatment

உடல் பரிசோதனையாக சில பரிசோதனைகள் செய்யப்படும்.

  • ஒட்டுமொத்த உடல் பரிசோதனை
  • பாப் சோதனை
  • இடுப்பு அல்ட்ராசவுண்ட் பரிசோதனை
  • அசாதாரண பால் உற்பத்திக்கான மார்பகங்களின் பரிசோதனை இவை தவிர மற்ற பரிசோதனைகள் செய்யப்படும்.
  • இரத்த பரிசோதனைகள்
  • உமிழ்நீர் சோனோஹிஸ்டெரோகிராம்
  • ஹிஸ்டரோஸ் கோபி

ஆய்வக் சோதனைகளை பொறுத்து உடல்நல வரலாறு மற்றும் மருத்துவர் பரீசிலிக்கும் நோயறிதலை பொறுத்தது. ஆய்வக சோதனைகளின் எடுத்துக்காட்டுகளில் தைராய்டு சோதனை, ப்ரோலாக்டின் அளவு, கருப்பை இருப்பு மற்றும் புரோஜெஸ்ட்ரான் (அண்டவிடுப்பின் சமிக்ஞை செய்யும் மாதவிடாய் சுழற்சியின் போது உற்பத்தி செய்யப்படும் ஹார்மோன்) போன்றவை அடங்கும்.

எக்ஸ்-ரே இது கருப்பை வாயில் ஒரு சாயம் செலுத்தப்பட்டு எக்ஸ்-ரே மூலம் ஃப்லோபியன் குழாய் வழியாக சாயம் எவ்வாறு நகர்கிறது என்பதை கவனிக்கலாம்.

லேப்ராஸ்கோபி- இந்த சோதனையில் லேப்ராஸ்கோப் எனப்படும் சிறிய கண்காணிப்புக்கருவி உறுப்புகளை பார்க்க வயிற்று பகுதியில் செருகப்படுகிறது.

டிரான்ஸ்வஜைனல் அல்ட்ராசவுண்ட் இது அடிவயிற்று அல்ட்ராசவுண்ட் போல் அல்லாமல் யோனிக்குள் அல்ட்ராசவுண்ட் செருகுவதன் மூலம் செய்யப்படுகிறது. இது கருப்பை மற்றும் கருப்பைகள் போன்ற உறுப்புகளின் சிறந்த பார்வையை சுகாதார வழங்குநருக்கு காட்டுகிறது.

உமிழ்நீர் சோனோஹிஸ்டெரோகிராம்

இந்த சோதனையானது கருப்பையின் புறணியை பார்த்து பாலிப்கள், நார்த்திசுக்கட்டிகள் அல்லது பிற கட்டமைப்பு அசாதாரணங்களை மதிப்பிடுவதற்கு பயன்படுத்தப்படுகிறது. இது ட்ரான்ஸ்வஜினல் அல்ட்ராசவுண்டின் போது கருப்பை குழியின் சிறந்த பார்வையை பெற அனுமதிக்கும் பரிசோதனை ஆகும்.

ஹிஸ்டரோஸ் கோபி

இந்த சோதனையில் ஹிஸ்டரோஸ் கோப் எனப்படும் சாதனம் . இது பிறப்புறுப்புக்குள் மற்றும் கருப்பை வாய் வழியாக செருகப்படுகிறது. உறுப்பின் உட்புறம் பார்க்க கருப்பைக்குள் நகர்த்தி செய்யப்படுகிறது.

இத்தகைய பரிசோதனைகள் செய்யப்படும்.

பெண் கருவுறாமைக்கு எவ்வாறு சிகிச்சை அளிக்கப்படுகிறது?

treatment for female infertility

பெண் கருவுறாமைக்கான காரணங்கள் என்ன என்பதை அறிந்து மருத்துவர் சிகிச்சை அளிப்பார். கருவுறாமைக்கான காரணம் சிகிச்சையின் வகையை தீர்மானிக்கிறது.

கட்டமைப்பு சிக்கல்கள், அறுவை சிகிச்சை மூலம் சிகிச்சையளிக்கப்படலாம். ஹார்மோன் மருந்துகள் மற்ற பிரச்சனிகளுக்கு அண்டவிடுப்பின் பயன்படுத்தப்படலாம்.

சில நேரங்களில் செயற்கை கருவூட்டல் அல்லது சோதனை கருத்தரித்தல் அதாவது கருவை உருவாக்க ஆய்வகத்தில் முட்டைகளை விந்தணுக்களுடன் கருத்தரித்தல் கருவை கருப்பையில் மாற்றுதல் போன்ற சிகிச்சை தேவைப்படலாம்.

வெகு அரிதாக வாடகைத்தாய் மூலம் குழந்தை பெறுவதற்கு வாய்ப்பு இருக்கலாம்.

Follow @ Google News : கூகுள் செய்திகள் பக்கத்தில் ஜம்மி ஸ்கேன்ஸ் வலைப்பதிவுகள்!

பெண் மலட்டுத்தன்மையை தடுக்க முடியுமா?

பெண் மலட்டுத்தன்மையின் பெரும்பாலான வடிவங்களை கணிக்கவோ அல்லது தடுக்கவோ முடியாது. இருப்பினும் கருவுறாமைக்கு பங்களிக்கும் ஆபத்து காரணிகள், சில சந்தர்ப்பங்களில் இந்த நிலையை தடுக்க கட்டுப்படுத்தலாம்.

மது அருந்துவதை குறைத்தல் மற்றும் புகைப்பிடிப்பதை நிறுத்துதல் போன்ற வாழ்க்கை முறை மாற்றங்கள், ஆரோக்கியமான எடையை பராமரித்தல் மற்றும் நல்ல உடற்பயிற்சி பழக்கங்களை வளர்த்து கொள்வது கருவுறுதலுக்கு நன்மை பயக்கும்.

மேலும் உங்கள் குடும்ப வரலாறு, ஆபத்து காரணிகள் மற்றும் அடிப்படை மருத்துவ பிரச்சனைகள் பற்றி உங்கள் மருத்துவரிடம் பேசுங்கள். இதன் மூலம் முன்கூட்டியே தடுக்கலாம்.

5/5 - (78 votes)

LEAVE A REPLY

Please enter your comment!
Please enter your name here