தாய்ப்பால் கொடுக்கும் நிலைகள்

தாய்ப்பால் கொடுக்கும் போது கவனிக்க வேண்டிய விஷயங்கள்

ஒவ்வொரு குழந்தைக்கும் முதல் ஆறுமாதங்கள் வரை தாய்ப்பால் மட்டுமே உணவாக கொடுக்க வேண்டும் என்று உலக சுகாதார நிறுவனமும், மருத்துவர்களும் அறிவுறுத்துகிறார்கள். தாய்ப்பாலில் குழந்தைக்கு வேண்டிய அத்தனை ஊட்டச்சத்துக்களும் நிறைந்துள்ளது. தாய்ப்பால் கொடுப்பது எவ்வளவு முக்கியமோ அவ்வளவு முக்கியம் தாய்ப்பால் கொடுக்கும் முறையும்.

பெண் பிரசவம் முடிந்தவுடன் மருத்துவர் அல்லது செவிலியர் தாய்ப்பால் கொடுக்கும் நிலையை கற்றுத்தருவார்கள். கூடுதலாக பாலூட்டுதல் நிபுணர்கள் குழந்தைக்கு தாய்ப்பால் கொடுக்கும் நிலையை தெளிவாக கற்றுத்தருவார்கள்.

இந்த தாய்ப்பால் கொடுக்கும் முறைகள் ஏன் அவ்வளவு அவசியம். தாய்ப்பால் கொடுப்பதால் நன்மைகள் என்ன என்பதை தான் இந்த பதிவில் நாம் தெரிந்து கொள்ள போகிறோம்.

குழந்தைக்கு உணவு அளிப்பது தான் பிரதானமானது. குறிப்பாக தாய்ப்பாலை மட்டுமே உட்கொள்ளும் குழந்தைக்கு குறிப்பறிந்து கொடுப்பது புதிய அம்மாக்களின் மகிழ்ச்சியான பணி என்று சொல்லலாம். தாய்ப்பால் கொடுப்பது உண்மையில் ஒரு பயிற்சி தான். வசதியான சூழலில் குழந்தையை எப்படி அணைத்து ஆறுதலாக பிடித்துகொள்ள வேண்டும் என்பதை புதிய அம்மாக்கள் கற்றுக்கொள்ள வேண்டும்.

வித்தியாசமான மற்றும் சிறந்த தாய்ப்பால் கொடுக்கும் நுட்பங்கள் குறித்து நீங்கள் அறிந்துகொள்ள விரும்பினால் தொடர்ந்து படியுங்கள்.

தாய்ப்பால் கொடுக்கும் முறைகள்:

தொட்டில் பிடி நிலை

குழந்தையின் தலையை சிறப்பாக கையாளக்கூடிய நிலை. சற்று மாதங்கள் அதிகமான குழந்தைகளுக்கு இது இயற்கையான மற்றும் வசதியான நிலையும் கூட.

தாய் தனது இதயத்தின் மட்டத்தில் குழந்தையுடன் வசதியாக உட்கார்ந்து கொள்ளுங்கள். சிறிய குழந்தையை கையில் தொப்பையுடன் வைத்து, உங்கள் முழங்கை வளைவில் குழந்தையின் தலை வைத்து கொள்ளுங்கள். குழந்தையின் காது, தோள்கள் மற்றும் இடுப்பு நேர்கோட்டில் இருக்கட்டும்.

குழந்தையின் கீழ் கையை உங்கள் மார்பகத்தின் கீழ் அல்லது உங்கள் கையை மார்புக்கு அருகில் வைக்கவும். மார்பகத்தை ஆதரிக்க மற்றொரு கையை பயன்படுத்துங்கள். கட்டைவிரல் மார்பக முலைக்காம்பின் மேல் வைத்து மற்ற நான்கு விரல்களை மார்பகத்தின் கீழ் வைக்கவும்.

குழந்தையின் கீழ் உதடு முலைக்காம்பை மெதுவாக ருசிக்கும விதமாக சிறிது நேரம் வைத்து எடுக்கும். குழந்தையை மார்போடு அணைத்து அவளுக்கு பாலூட்டுங்கள். குழந்தையின் தாயின் மார்பகத்தில் அண்டி தொங்கியபடி இருந்தாலும் அம்மாவின் அரவணைப்பில் நன்றாக பசியாறும்.

குறுக்கு தொட்டில் பிடி

தாய்ப்பால் கொடுக்கும் பொதுவான நிலை இது. க்ராஸ் ஓவர் என்று அழைக்கப்படுகிறது. இது குழந்தைக்கு ஆதரவன நிலை. குழந்தைக்கு தாயின் மீதும் தாய்க்கு குழந்தையின் முழுமையான பிணைப்பு உண்டாகும் நிலை.

இதயத்தின் மட்டத்தில் வசதியாக உட்கார்ந்து சிறிய குழந்தையை கையில் வைத்து குழந்தையை வயிற்றில் வைக்க வேண்டும். குழந்தையின் தலையை உங்கள் கையின் அடிப்பகுதியில் கழுத்தின் அருகே மென்மையாக வைத்துகொள்ளுங்கள்.

குழந்தையின் காது. தோள்கள் மற்றும் இடுப்பு மூன்றும் ஒரே நேர்க்கோட்டில் இருக்க வேண்டும். குழந்தையின் கீழ் கையை மார்புக்கு அருகில் வாயில் வைக்கவும். மற்றொரு கையால் மார்பகத்தை பிடிக்கவும். கட்டை விரல் ஐசோலோவுக்கு மேல் மீதியிருக்கும் நான்கு விரல்கள் மார்பகத்தின் கீழ் வைக்கவும். இப்போது குழந்தையை மார்போடு அணைத்து பாலூட்டவும்.

குழந்தையின் மீது சாய்ந்துவிடமால் குழந்தை உங்களை நோக்கி இருக்கும்படி வைத்திருங்கள் இந்த நிலை நன்றாக வேலை செய்யும். இந்த நிலை அம்மாவுக்கு வசதியான நிலையும் கூட.

கால்பந்து போட்டி நிலை

இந்த நிலை அறுவை சிகிச்சை செய்து கொண்ட பெண்ணுக்கு ஏற்ற நிலை. மார்பகங்கள் மிகப்பெரியதாக இருக்கும் பெண்களுக்கும் ஏற்ற நிலை இது. முன்கூட்டியே பிறக்கும் குழந்தைகள் அல்லது சிறிய குழந்தைகளுக்கு சரியான நிலை. இது குழந்தையின் மீது தாய்க்கு சிறந்த கட்டுப்பாட்டு நிலையை அளிக்கிறது.

குழந்தையை அவளது கால்கள் மற்றும் உடல் உங்கள் கையின் கீழும்.. உங்கள் கையை குழந்தையின் தலை மற்றும் கழுத்தின் அடிப்பகுதியிலும் வைக்கவும். உள்ளங்கையை மார்பகத்தின் கீழ் வைத்து குழந்தையை இறுக்கமாக வைத்துவிடுங்கள்.

குழந்தையின் தலையை அவளது கன்னம் மற்றும் மூக்குடன் மார்பகத்தை தொடவும். குழந்தை பாலுட்டும் போது தாயின் தோள்கள் தளர்வாக இருக்கட்டும். இந்த நிலை எப்போதும் சிறப்பாக இருக்கும்.

நீங்கள் சிசேரியன் மூலம் பிரசவித்திருந்தால் குழந்தையை அடிவயிற்று வெட்டுக்கு எதிராக வைத்திருக்க விரும்புகிறீர்கள். மார்பகங்கள் பெரியவை என்றாலும் குழந்தை பால் குடிக்கும் முறையை சரிபார்க்க வேண்டும். இந்த நிலையில் தலைகீழ் முலைக்காம்புகள் இருப்பதை போல் உணர்வீர்கள்.

இரட்டையர்களுக்கான கால்பந்து போட்டி நிலை இது

இரட்டை குழந்தைகளின் தாயாக இருந்தால் அவர்களுக்கு தனித்தனியாக அல்லது ஒரே நேரத்தில் உணவளிக்க வேண்டும். ஒரே நேரத்தில் அவர்களுக்கு உணவளிக்க விரும்பினால் ஒவ்வொரு குழந்தையும் ஒவ்வொரு மார்பகட்தில் ஒட்டிக்கொள்ள கிளட்ச் அல்லது ஃபுட்பால் ஹோல்ட் முயற்சி செய்யலாம்.

ஒவ்வொரு கைகளிலும் ஒரு குழந்தையுடன் உங்கள் முழங்கைகளை ஓரளவு வளைத்துபிடித்து கொள்ளுங்கள். குழந்தைகளை ஒவ்வொரு தலையணையிலும் வைக்கலாம். உள்ளங்கையால் அவர்களது கழுத்தை மென்மையாக பிடித்துகொள்ளுங்கள். குழந்தைகளின் உடல் உங்கள் மார்பில் சாய்ந்து கொள்ளட்டும். குழந்தைகள் சிரமமில்லாமல் பசியாறுவதற்கு சிறந்த நிலை இது.

இந்த நிலை சிசேரியன் செய்து கொண்ட பெண்களுக்கு ஏற்ற நிலையாக இருக்கும். மார்பகங்கள் பெரியதாக கொண்டிருக்கும் பெண்களுக்கு இந்நிலை ஏற்றது.

பக்கவாட்டு நிலை

குழந்தைக்கு தாய்ப்பாலூட்டும் போது தாய்க்கு சிறிது ஓய்வு தேவைப்படும். அதனால் பக்கவாட்டு நிலை சிறந்ததாக இருக்கும். இது சற்று எளிதான நிலையும் கூட. தாயும் குழந்தையும் சிரமமில்லாமல் உணர்வார்கள். சிசேரியன் தாய்க்கு இந்த நிலை எளிதாக இருக்கும்.

குழந்தை தாயின் வயிற்றுபக்கமாக வயிற்றை நோக்கி வைக்கலாம். உங்கள் மேல் காலை வளைத்து மேல் முழங்கையை தலையணகளால் நிலை நிறுத்துங்கள். கீழே உங்கள் விரல்களை வைத்து மார்பகத்தை மேலே தூக்கி பிறகு குழந்தைக்கு பசியாற செய்யுங்கள்.

இந்த நிலை சிறந்த தேர்வாக இருக்கும். சிசேரியன் சிகிச்சைக்கு பிறகு தளர்ந்து இருப்பவர்களுக்கும் மூலநோய் போன்ற உபாதையால் அசெளகரியங்கள் எதிர்கொள்பவர்களுக்கும் இது சிறந்த நிலையாக இருக்கும். இந்நிலை தாய்க்கு ஓய்வெடுக்கும் நிலையை அதிகரிக்க செய்யும்.

மார்போடு அணைத்து பால் புகட்டுங்கள்

பிறந்த குழந்தை முலைக்காம்பை தவறாக பற்றும் போது முலைகாம்புகள் புண் அல்லது மோசமான பால் வழங்கல் உண்டாகலாம். இந்த நிலையில் நீங்கள் சரியான முறையில் பால் ஊட்டுதல் முறையை கடைப்பிடிக்க வேண்டும்.

தாய்ப்பால் கொடுக்கும் நிலை எதுவாக இருந்தாலும் குழந்தையின் வயிறும் தாயின் வயிறும் ஒட்டி இருக்கட்டும். குழந்தையின் காது, தோள் மற்றும் இடுப்பு நேராகவும் மூக்கு முலைக்காம்பின் அதே மட்டத்திலும் இருப்பதை உறுதி செய்து கொள்ளவும்.

குழந்தையை எப்போது மார்புக்கு அருகில் வைத்து கொள்ளுங்கள். குழந்தையின் வாய் அகலமாக திறக்கும் போது முலைக்காம்பை வையுங்கள்.

குழந்தை முலைக்காம்பை உறிஞ்சும் போது கீழ் உதட்டை இழுக்கும் போது நாக்கு தெரியும். உதடுகள் மார்பின் வெளிப்புறமாக இருக்க வேண்டும். குழந்தை உறிஞ்சுதல் தாடையுடன் இருக்கும். குழந்தை பால் உறிஞ்சுதலோடு விழுங்குவதை கேட்பீர்கள். குழந்தை தாய்ப்பால் கொடுக்கும் போது முலைக்காம்புகள் சற்று பெருத்து இருக்கும்.

தாய்ப்பால் கொடுக்கும் போது அம்மாக்கள் கவனிக்க வேண்டிய முக்கியமான விஷயங்கள்:

அம்மாக்கள் பாலூட்டும் போது வசதியான இருக்கையில் அமர்ந்து கொள்ள வேண்டும். வசதியான நாற்காலியை பயன்படுத்துங்கள்.கைகளுக்கும் பின்புறத்துக்கும் ஆதரவுக்கு மென்மையான தலையணை எடுத்துகொள்ளலாம். கால்களை தளர்வாக வையுங்கள். மடியில் தலையணை அல்லது மென்மையான போர்வை வைத்துகொள்ளலாம்.

குழந்தையை எப்போதும் மார்பகத்தில் அணைத்தப்படி வைத்திருங்கள். பாலூட்டும் போது மார்பகங்கள் கனமாக இருக்கும். அதனால் மார்பகத்தி சி ஹோல்ட் என்னும் சி போன்ற வடிவத்தில் மார்பகங்கள் முலைக்காம்புகள் மேல் கட்டை விரலையும் நான்கு விரல்களை கீழும் வைக்கவும். இதனால் பால் உற்பத்தி அதிகரிக்கும். பால் சீராக குழந்தைக்கு வெளியேறும். மேலும் தாய்ப்பால் அதிகரிக்க சாப்பிட வேண்டிய உணவுகள் பற்றி அறிந்து கொள்ள வேண்டும்.

குழந்தைக்கு பால் கொடுக்கும் போது உங்களுக்கு சிறந்த வசதியான நிலையை கண்டறிந்து அதை பின்பற்றுங்கள். பாலூட்டும் போது நீர்ச்சத்து குறையலாம் என்பதால் பாலூடும் போது ஒரு டம்ளர் நீர் அல்லது பால் குடிக்கலாம்.

பொதுத்துறப்பு

சென்னை மகளிர் மருத்துவமனை மற்றும் ஸ்கேன் மையம் ( Chennai Women’s Clinic and Scan Centre (CWC) ) வழங்கும் கட்டுரைகள், தகவல்கள், வீடியோக்கள் போன்றவை தகவல் தொடர்பு நோக்கங்களுக்காக மட்டுமே.

இவை எல்லாமே மகப்பேறு மருத்துவர்கள், ஸ்கேன் பரிசோதனை நிபுணர்கள், அதற்கான நடைமுறைகள் போன்றவை நிபுணர்களால் வழங்கப்படும் பொதுவான கட்டுரைகள் மட்டுமே.

எங்கள் இணையதளத்தில் இருக்கும் கட்டுரைகள் மற்றும் வீடியோக்கள் பொதுவான விஷயங்கள் குறித்து மட்டுமே வழங்கப்படுகின்றன. வீடியோக்களில் இருக்கும் தகவல்களும் , கட்டுரைகளும் தனிப்பட்ட நபர்களுக்கான நோயறிதல் குறித்தவை என்று கருதக்கூடாது. அதனால் இதன் வாயிலாக வெளியிடப்படும் சிகிச்சை முறைகளை சுயமாக செய்து கொள்ள கூடாது.

சென்னை மகளிர் மருத்துவமனை மற்றும் ஸ்கேன் பரிசோதனை தளத்தில் வெளியான கட்டுரைகள் மற்றும் வீடியோக்களின் மூலம் நோயறிதலையும், சிகிச்சையையும் சுயமாக செய்து கொள்ள கூடாது. மாறாக உங்கள் உடல் ஆரோக்கியம் குறித்து உங்கள் குடும்ப மருத்துவர் அல்லது சுகாதார நிபுணரின் ஆலோசனை செய்த பிறகு உரிய சிகிச்சை பெறுவது நல்லது.

சென்னை மகளிர் மருத்துவமனை மற்றும் ஸ்கேன் மையம் உருவாக்கும் ( இணையதளம் மற்றும் அச்சு) தகவல்கள் மருத்துவ ரீதியிலான பொதுவான கட்டுரைகள் மட்டுமே. எந்தவொரு தனி நபருக்கும் சிகிச்சையளிக்கும் வகையில் கட்டுரைகள் வெளியிடப்படவில்லை என்பதை உறுதி கூறுகிறோம். அதனால் தனிப்பட்ட முறையில் சுயமாக ஒருவர் சிகிச்சை கொள்வதற்கு நேரடியாகவோ அல்லது மறைமுகமாகவோ நாங்கள் எந்த வகையிலும் பொறுப்பேற்க இயலாது என்பதையும் இத்தருணத்தில் உறுதி அளிக்கிறோம்.

LEAVE A REPLY

Please enter your comment!
Please enter your name here