கரு எக்கோ கார்டியோகிராம் என்றால் என்ன?

கர்ப்பக்காலத்தில் கரு எக்கோ கார்டியோகிராம் பரிசோதனை என்பது குழந்தை பிறப்பதற்கு முன்பே செய்யப்படும் ஒரு அல்ட்ராசவுண்ட் சோதனையே ஆகும். இந்த பரிசோதனையின் மூலம் கருவிலுள்ள குழந்தைக்கு பிறக்கும் முன்பே இதய குறைபாடு இருப்பதை முன் கூட்டியே கண்டறிய உதவுகிறது. மேலும் கருவின் இதயத்தின் கட்டமைப்பு மற்றும் செயல்பாட்டையும் ஆய்வு செய்கிறது.
இந்த பரிசோதனை குழந்தைப் பிறப்பிற்கு முன் செய்யப்படும் பல்வேறு அல்ட்ராசவுண்ட் தொழில் நுட்பத்தை அடிப்படையாகக் கொண்ட சோதனையைப் போன்றே கரு மருத்துவ நிபுணர்களால் செய்யப்படும்.

இந்த சோதனை கர்ப்பக்காலத்தில் நான்காம் மாதத்தில் இருந்து ஆறாம் மாதத்துக்குள் 16 – 22 வாரங்களுக்கு இடையில் செய்யப்படுகிறது. அதே நேரம் இதை நான்காம் மாதங்களுக்கு முன்பும் அதாவது (13 வாரங்கள்) அல்லது கர்ப்பத்தின் மூன்றாவது ட்ரைமெஸ்டரான, இறுதி மூன்று மாதங்களின் முடிவிலும் செய்ய முடியும். ஆனால் கர்ப்பத்தின் மேம்பட்ட கட்டத்தில் தொழில்நுட்ப ரீதியாக இது கடினமாக உள்ளது.

பிறவி இதய நோய் (Congenital Heart Disease- CHD) என்றால் என்ன?

குழந்தை பிறக்கும் போதே அதன் இதயத்தின் கட்டமைப்பில் சில குறைபாடுகள் இருக்கலாம். இதையே நாம் பிறவியிலேயே உண்டாகும் இதயக் குறைபாடு என்கிறோம். இவற்றின் அறிகுறிகளும் வெளிப்பாடுகளும் குறிப்பிட்ட கோளாறின் தன்மையை பொருத்து அமையும். கருவிலேயே சரிசெய்ய கூடிய சிறு குறைபாடு முதல் உயிருக்கு ஆபத்தை விளைவிக்கும் குறைபாடு வரை மாறுபடும். 100 குழந்தைகளில் ஏறத்தாழ ஒருவர் (1 சதவீதம்) பிறவியிலேயே இதயக் குறைபாட்டுடன் பிறக்கிறார்கள். கரு உருவாகும் போதே கருவுக்கு இதயம் உருவாக தொடங்கும்போதே இந்த குறைபாடு உண்டாகிறது. ஒரு பெண் கருத்தரித்த முதல் மூன்றுமாதங்கள் என்று சொல்லலாம்.

கருவுக்கு உண்டாகும் இந்த குறைபாடுகள் இதயத்தின் இரு அறைகளுக்கு இடையில் உள்ள துளை போன்ற நேரடியான குறைபாடு (ஏட்ரியல் அல்லது வென்ட்ரிக்குலர் செப்டல் குறைபாடு) அல்லது அசாதாரண இதய வால்வு (நுரையீரல் அல்லது பெருநாடி ஸ்டெனோசிஸ்) போன்ற குறைபாடுகளுடன் நேரடியாக தொடர்பு கொண்டிருக்கவும் வாய்ப்புண்டு.

சில கர்ப்பிணிகளின் கரு இன்னும் சிக்கலான குறைபாடுகளையும் கொண்டிருக்கலாம். அதாவது கருவின் இதயம் உருவாவதில் பெரும்பகுதி உருவாகாமால் இருக்கலாம் (ஹைப்போபிளாஸ்டிக் என்னும் இடது இதய நோய்க்குறி போன்றவை) அல்லது சமயத்தில் அசாதாரணமான உடற்கூறியல் இணைப்புகளாகவும் (பெரிய தமனிகளின் இடமாற்றம் போன்றவை) கூட இருக்க வாய்ப்புண்டு.

கருவில் இருக்கும் போது இதய ஆரோக்கியத்தில் குறைபாடு கண்டறிந்தால் குறைபாடை பொறுத்து குழந்தை பிறந்தவுடன், உரிய நேரத்தில் தாமதிக்காமல் அறுவை சிகிச்சை செய்ய வேண்டிய தேவையை உண்டாக்கலாம்.

பிறவி இதய நோய்க்கு (Congenital Heart Disease- CHD) என்ன காரணம்?

கரு உருவாகும் போது அல்லது பிறப்பதற்கு முன்பு இதய நோய் அல்லது இதயத்துக்கு குறைபாடு நேர்வதற்கு மரபணு மற்றும் சுற்றுச்சூழல் காரணிகள் இரண்டும் காரணமாக இருக்கலாம் என்று கூறுகிறார்கள்.
குறிப்பிட்ட மரபணு குறைபாடுகள் (22q11 நீக்குதல், ட்ரைசோமி 21) பிறவி இதய நோய் மற்றும் பொதுவான நோய்க்குறிகளுக்கு இடையில் இவை உறுதியான தொடர்பைக் கொண்டிருப்பதாக ஆய்வில் கண்டுபிடிக்கப்பட்டுள்ளது. மேலும் கர்ப்பிணிக்கு நீரிழிவு இருந்தாலும் கூட இந்த குறைபாடு உண்டாகலாம். மேலும் குறிப்பிட்ட மருந்துகள் எடுத்துகொள்ளும் போது (ஆன்டிகான்வல்சண்ட்ஸ் போன்றவை) அவை இதய குறைபாடுகளை ஊக்குவிக்கும் காரணங்களுடன் தொடர்பு கொண்டவையாக கண்டறியப்பட்டுள்ளது.

கரு எக்கோகார்டியோ கிராம் பரிசோதனைக்கு உபயோகப் படுத்தப்படும் மருத்துவ நடைமுறைகள் குறித்து தெரிந்துகொள்வோம்.

இந்த அல்ட்ராசவுண்ட் பரிசோதனையில் இரண்டு பரிமாண இமேஜிங், 3 பரிமாண இமேஜிங், வண்ண ஓட்டம் மற்றும் இரத்த ஓட்டத்தின் டாப்ளர் மதிப்பீடுபோன்றவை கண்டறியப்படும். பரிசோதனைக்கு பிறகு கரு ஒருவேளை குறைபாட்டை கொண்டிருந்தால் எதனால் இத்தகைய குறைபாடு நேர்ந்திருக்கிறது மற்றும் முன் கூட்டியே குறைபாடை கண்டறிந்து தேவைப்பட்டால் கர்ப்பிணிக்கு மகப்பேறு மருத்துவ நிபுணரால் தேவையான ஆலோசனை வழங்கப்படுகிறது.

கரு எக்கோகிராம செய்யப்படும் சோதனை முறை குறித்து தெரிந்துகொள்வோம்!

இந்த பரிசோதனை கர்ப்பிணியின் வயிற்றுப்பகுதி அல்லது யோனி (டிரான்ஸ்வஜைனல்) வழியாக செய்யப்படுகிறது. இந்த சோதனையின் போது வழக்கமான கர்ப்ப பரிசோதனைகளைப் போலவே, ஒரு ஒலி அலை பரவுகிறது. இது குழந்தையின் இதயதை முழுமையாக பிரதிபலித்து காட்டுகிறது. பின்னர் இந்த அலை பிடிக்கப்படும்போது இதயத்தின் படத்தினை ஒரு திரையில் காண்பிக்க உதவுகிறது. இது பிறக்காத குழந்தையின் இதயத்தின் கட்டமைப்பையும் செயல்பாட்டையும் சிறப்பாகக் காண கரு மருத்துவ நிபுணருக்கு உதவுகிறது.

பரிசோதனையின் போது கவனிக்கப்படும் விஷயங்கள்!

கரு எக்கோகிராம் ஸ்கேன் செய்யும் போது கருவின் வளர்ச்சியில் முக்கியமாக கவனிக்கப்படும் அம்சங்கள் கருவின் இதய உருவாக்கம்., அதன் அமைப்பு, இரத்த ஓட்டம் மற்றும் சீரான இதயத் துடிப்பு.

முதல் ஆய்வுகள் தாய்வழி லூபஸ் போன்ற சில காரணங்களை கொண்டிருந்தாலும், இது குறித்து இன்னும் பல ஆய்வுகள் நடத்தப்பட வேண்டி இருக்கின்றன. சில சந்தர்ப்பங்களில் ஒரு குறைபாட்டை பற்றிய சந்தேகம் குறைவாக இருந்தாலும் மீண்டும் இப்பரிசோதனையை நடத்த மருத்துவர் அறிவுறுத்துவார். உயர்தரமான இந்த பரிசோதனையிலும் கூட கருவின் இதய பிரச்சனைகளை உறுதி செய்யமுடியாது. ஏனெனில், கருவின் ரத்த ஓட்டம் குழந்தை பிறப்புக்குப் பிறகு மாற வாய்ப்புள்ளது. சில நேரங்களில் கருவின் இதயத்தின் கீழ் உள்ள அறைகளில் இருக்கும் துளைகளை காண்பது கடினமாக இருக்கவும் வாய்ப்புண்டு.

கரு எக்கோ கார்டியோகிராம் பரிசோதனை பெண்ணின் கர்ப்பக்காலத்தில் நான்காம் மாதத்துக்கு பிறகு எப்போது வேண்டுமானாலும் செய்யலாம். அதே நேரம் நான்கு மாதங்களில் இந்த பரிசோதனை செய்யும் போது, ஆரம்பகட்ட பரிசோதனை முடிவு குறித்து இன்னும் பல உறுதியான முடிவுகளை தெரிந்துகொள்ள மீண்டும் பரிசோதனை செய்ய அறிவுறுத்துவார்கள்.

இந்த பரிசோதனை வாயிலாக கருவினுடைய இதயக் குறைபாட்டை முழுவதுமாக கண்டறிய முடியும். சில இதயக் குறைபாடுகள் டவுன் சிண்ட்ரோம் போன்ற மரபணு சிக்கல்களின் அபாயத்தை கணிசமாக அதிகரிக்கக்கூடும். கருவின் இதயத்தில் கேடு செய்யும் கட்டிகள் கண்டறியப்பட்டால் இவை மரபணு நோய்க்குறியான டியூபரஸ் ஸ்க்லரோசிஸ் கண்டறிய உதவுகிறது. இவை மூளையில் அசாதாரணமான வளர்ச்சியை உண்டாக்கும் காரணங்களொடு தொடர்பு கொண்டுள்ளது.

கரு எக்கோ கார்டியோகிராம் யாருக்கு தேவைப் படுகிறது?

அதிக முறை கர்ப்பம் தரித்த கர்ப்பிணி பெண்கள், தாய்வழி அல்லது குடும்பத்தில் முன்பு குழந்தைப் பிறப்பின் போது பிறவி இதயக் கோளாறுகள் போன்ற ஆபத்துக்களை சந்தித்தவர்கள் இது குறித்து மருத்துவரிடம் ஆலோசனை செய்து கரு எக்கோகிராம் பரிசோதனை செய்துகொள்ள வேண்டும். கரு உருவானதை உறுதி செய்ததும் மருத்துவரே உங்கள் குடும்ப வரலாறு,( கரு குறித்த நிகழ்வு) அறிந்து அதற்கேற்ப எக்கோ கார்டியோகிராம் செய்ய அறிவுறுத்தப்படுகிறது. ஏனெனில் இதனாலும் கருவின் இதயத்துக்கு குறைபாடு நேரிட வாய்ப்புண்டு.

கருவிற்கு ஆபத்தை ஏற்படுத்தக் கூடிய காரணங்கள் குறித்தும் அறிவது அவசியம்

அசாதாரணமாக தோன்றும் இதயம்

வழக்கமாக செய்யப்படும் அல்ட்ராசவுண்ட் ஸ்கேனில் கண்டறியப்படும் அசாதாரண இதய துடிப்பு அல்லது அரித்மியா

அசாதாரணமான குரோமோசோம்களை கண்டறிந்தால் (அனூப்ளோயிடி) (அசாதாரணமான குரோமோசோம்)

கரு உருவாகிய முதல் மூன்று மாத காலங்களில் கருவின் வளர்ச்சி தடிமனில் உண்டாகும் மாற்றம் (nuchal translucency)

கரு இதயம் உருவாகாமல் அசாதாரணமான வளர்ச்சியை கொண்டிருத்தல்.

இரட்டைக் குழாய் தொப்புள் கொடி

இரட்டை கரு உருவாகியிருப்பது.

கருவளரும் இடத்தில் அதிகரிக்கும் திரவ குவிப்பு

கரு பிறப்பதற்கு முன்பே அசாதாரணமான குரோமோசோம்களை கொண்டு கோளாறுடன் இருப்பது, மரபணு அசாதாரணத்தன்மை இருப்பது கண்டறியப்பட்டால், டவுன் சிண்ட்ரோம் நோய்க்குறி, உதாரணத்துக்கு வழக்கமான அல்ட்ராசவுண்டில் இதய அசாதாரணம் சீராக இல்லாமல் சந்தேகத்தை உண்டு செய்வது கருவுக்கு ஆபத்தை உண்டாக்கும் காரணங்களே.

பொதுவாக எடுக்கப்படும் அல்ட்ராசவுண்டில் கருவின் இதயத்திற்கு வெளியே அசாதாரணங்கள் இருப்பதை கண்டறிந்தால் உதாரணத்திற்கு நுரையீரல் அல்லது இதயத்தைச் சுற்றியுள்ள கூடுதல் திரவம் அல்லது சிறுநீரகங்கள் அல்லது மூளை போன்ற மற்றொரு உறுப்பின் அசாதாரணத்தன்மை போன்றவற்றையும் முக்கியமாக கவனத்தில் எடுத்துகொள்ளப்படும். இவையும் கருவுக்கு ஆபத்தை உண்டாக்கிவிட கூடியவையே.

சாதாரணமாக ஸ்கேன் செய்யும் போது கருவின் இதயத்துடிப்பு அதிகளவு வேகமாக இருந்தாலோ, அல்லது மிக குறைவாக இருந்தாலோ ஒழுங்கற்று துடிக்கும் இதயத்துடிப்பு கருவுக்கு ஆபத்தை உண்டாக்கிவிடவே செய்யும்.

கர்ப்பிணிகளால் கருவுக்கு உண்டாகும் ஆபத்து குறித்தும் அறிவோம்.

கர்ப்பிணிக்கு நீரிழிவு கட்டுக்கடங்காமல் இருந்தால், லூபஸ் அல்லது இதயம் சம்பந்தப்பட்ட பிற நோய்களை கொண்டிருந்தாலும் (டிஜார்ஜ் நோய்க்குறி போன்றவை) கருவுக்கு குறைபாடு நேரிடலாம்.

மூன்று மாத காலத்தில் டெரடோஜன்களின் பயன்பாடு

ஐவிஎஃப் முறையில் கருத்தரிக்கும் போது

தாய் குழந்தைக்கு இதய நோய் குறைபாடுகளை உண்டாக்கும் மருந்துகளை அறியாமல் எடுத்துகொள்ளும் போதும் இந்நிலை உண்டாகும்.

தாய்க்கு நீரிழிவு போன்ற குறிப்பிட்ட உடல்நலப் பிரச்சினைகள் இருந்தால் (கர்ப்பத்திற்கு முன்பு தாய்க்கு இருந்த வகை)

கர்ப்ப காலத்தில் ரூபெல்லா அல்லது சி.எம்.வி போன்ற குறிப்பிட்ட தொற்றுநோய்கள் கர்ப்பிணிக்கு வந்திருந்தால்.

குடும்பம் சார்ந்த கருவுக்கு ஆபத்தை உண்டாக்கும் காரணங்களும் அறிவோம்:

மிக நெருங்கிய உறவினருக்கு பிறவி இதய குறைபாடு இருப்பது கண்டறியப்பட்டால். மிக நெருங்கிய உறவினர் என்ற வகையில் குழந்தையின் தாய் அல்லது தந்தை மற்றும் குழந்தையின் எந்த உடன்பிறப்புகளும் அடங்கும்.

மார்பனின் நோய்க்குறி அல்லது டியூபரஸ் ஸ்க்லரோசிஸ் போன்ற தலைமுறையிலிருந்து அடுத்து வரும் தலைமுறைக்கு அனுப்பப்படும் கோளாறுகளை கொண்டிருந்தால் வழி வழியாக இந்த குழந்தைக்கும் பரவலாம்.

எக்கோ கார்டியோகிராம் சோதனை முடிவுகள் துல்லியமானதா, உறுதியானதா?

கருவின் ஆரோக்கியத்தை துல்லியமாக அறிந்துகொள்ளலாம். கருவுக்கு குறைபாடு இருப்பதையும் கண்டறியலாம். ஆனால் மிக துல்லியமாக இதயத்தின் குறைபாட்டை கண்டறிவது இதயத்தை சுற்றி இருக்கும் பகுதிகளை கண்டறிவது அதிக சிரமமானது. இதை கர்ப்பிணியும் அவரது குடும்பத்தினரும் தெளிவாக புரிந்துகொள்ள முடியும்.
ஏனெனில் இதய தசைகள் அல்லது வால்வுகளில் பாதிப்பை உண்டாக்கும் குறைபாடுகள் பெரும்பாலும் காலப்போக்கில் உண்டாகிறது.

எனினும் ஆரம்ப காலத்தில் கரு உறுதியானவுடன் கர்ப்பிணியின் உடல் நிலை, கர்ப்பிணியின் குடும்ப வரலாறு போன்றவற்றை மருத்துவர் முழுவதுமாக அறிந்து சிகிச்சை அளிக்கப்படும். உரிய இடைவேளையில் தேவையான பரிசோதனையும் செய்யப்படும். எனவே கர்ப்பிணிகள் கர்ப்பக்காலத்தில் முழுமையான சிகிச்சைக்கு மருத்துவரோடு ஒத்துழைக்க வேண்டும்.

எக்கோ கார்டியோகிராம் குறித்து உங்கள் கேள்விகள்

ஏன் கரு எக்கோ ஸ்கேன் செய்யப்படுகிறது?

கரு எக்கோ ஸ்கேன், குழந்தை பிறப்பதற்கு முன்பே கருவின் இதயத்தில் உள்ள அசாதாரணங்களை கண்டறிய உதவும்.

கரு எக்கோ ஸ்கேன் எப்போது செய்யப்படுகிறது?

கர்ப்பிணியின் 16 முதல் 22 வாரத்தில் செய்யப்படும்.

கரு எக்கோ ஸ்கேன் வெறும் வயிற்றில் செய்யலாமா?

இல்லை, கரு எக்கோ பரிசோதனை செய்வதற்கு வழக்கமாக சாப்பிடலாம்.

கரு எக்கோ ஸ்கேன் செய்வதற்கு எவ்வளவு நேரம் ஆகும்?

பொதுவாக 45 நிமிடங்கள் ஆகும்.

கரு எக்கோ பரிசோதனை செய்வதால் வலி இருக்குமா?

இந்த சோதனை வலியற்றது மற்றும் குழந்தைக்கு எந்தத் தீங்கும் ஏற்படாது.